მაღალმთიან რეგიონში მცხოვრები პირები გადაუდებელ სამედიცინო დახმარებაში გადამზადდნენ.
მესტიის მუნიციპალიტეტიდან პროგრამაში ჩართული იყვნენ ლევან პირველი, ემზარ სუხიაშვილი და ტასო დევდარიანი.
მომზადება სასწავლო-სატრენინგო ცენტრის ბაზაზე მიმდინარეობდა და სწავლება თეორიული და პრაქტიკული ნაწილებისგან შედგებოდა.
პირველი ჯგუფის სწავლების დასრულების შემდეგ წარმატებულ კურსანტებს სერტიფიკატები საგანგებო სიტუაციების კოორდინაციისა და გადაუდებელი დახმარების ცენტრის დირექტორმა ავთანდილ თალაკვაძემ, რეგიონული განვითარებისა და ინფრასტრუქტურის მინისტრის მოადგილე მზია გიორგობიანთან ერთად გადასცა.
კურსის მონაწილეებს სამედიცინო ჩანთებიც დაურიგდათ.
კომპლექტი გადაუდებელი დახმარებისთვის საჭირო სამედიცინო მასალასა და ინვენტარს მოიცავს.
პროგრამის მიზანია მაღალმთიან რეგიონებში მუდმივად მცხოვრები პირებისთვის გადაუდებელი სამედიცინო დახმარების უნარ-ჩვევების განვითარება.